Page 117 - Azərbaycan xalçaları

115115
Azərbaycan xalçaları / QAZAX-BORÇALI QRUPU
Xalça. Yun. Xovlu. 270x140. XIX əsrin sonları. Qazax-Borçalı qrupu. Azərbaycan.
Bu növ xalçalar “qoşagöllü” adlanır. Onlar xalçanın mərkəzində şəbəkə quruluşunda təsvir ediliblər. Xalçaya keçməzdən
əvvəl bu növ “bəndi-rumi” (şəbəkəyəbənzər) kompozisiyası Mingəçevirdən tapılmış şüşə qədəh üzərində istifadə edilmiş-
dir.
Bütün bu naxışlar indi dekorativ görkəm alıb, xalça üzərində üst-üstə başqa naxışlarla kompleks şəklində ənənəvi kom-
pozisiyanı təşkil edir. Xalçanın üzərində cəmləşən rənglər harmonikdir. Əsas tonlar qırmızı, sürməyi və şəkəridir. Haşiyə
zolağında şəkəri rəngli yelən zolağı xalçanın ümumi tonuna bir aydınlıq gətirir, onu daha baxımlı edir.
Xalçanın arğacı qırmızı yundandır. Ərişi və xovu yundur. Sıxlığı 28x36 sm-dir. Xovun hündürlüyü 0, 7 sm-dir. Xalçanın
sürməyi rəngi indiqodan, qalan rənglər isə təbii boyayıcı bitkilərdən alınıbdır. Xalça tarixi, elmi və bədii əhəmiyyət daşıyır;
saxlanma vəziyyəti əladır; Qazaxda şəxsi evdə saxlanılır.