19
19
Azərbaycan xalçaları / QAZAX-BORÇALI QRUPU
ildə Şirvan, 1822-ci ildə Qarabağ xanlığı ləğv edildi.
Sultanlıqlar da 1819-cu ildə ləğv olundu. Xanlıqlar
əyalətlərə, sultanlıqlar isə müsəlman distansiyalarına
çevrildi.
1826-1828-ci illər müharibəsi zamanı Rusiya Naxçı-
van və İrəvan xanlıqlarını da işğal etdi. 1828-ci il Ru-
siya-İran Türkmənçay və 1829-cu il Rusiya-Türkiyə
Ədirnə müqavilələrinə əsasən İran və Türkiyədən
ermənilərin kütləvi şəkildə Şimali Azərbaycan tor-
paqlarına köçürülməsi başlandı. Ermənilərin kö
çürülməsi nəticəsində Qazax- Borçalı bölgəsi də
erməniləşdirilməyə başlandı. Almanların və rusla-
rın köçürülməsi ilə əhalinin etnik tərkibi yenidən
dəyişikliyə uğradı. Çar hökuməti Cənubi Qafqazda
ışğal etdiyi torpaqların hərtərəfli öyrənilməsi üçün
Maliyyə nazirliyi xətti ilə geniş təhqiqat planı həyata
keçirmiş, onun materialları əsasında 1836-cı ildə
Sankt-Peterburqda dörd cildlik “icmal” nəşr etdirmiş-
dir. Bu icmallarda müsəlman distansiyaları haqqında
da ətraflı tarixi-etnoqrafik materiallar verilmişdir.
Borçalı distansiyasının ərazisi 8 min kvadrat verst
idi. 1832-ci il kameral təsvirinə görə Borçalı distansiya-
sının 145 kəndində 4092 həyət, 13762 nəfər kişi var idi.
Borçalının Rusiyaya ilhaqından keçən 31 il ərzində bu-
rada həyata keçirilən ayrıseçkilik siyasətinə və həmin
torpaqlara qeyri-türk əhalinin köçürülməsinə baxma-
yaraq, əhalinin çox hissəsi yenə də azərbaycanlılardan
ibarət idi. Həmin dövrdə Borçalı əhalisi içərisində
azərbaycanlılar 8479 (61,6%), ermənilər 3634 (26,4%),
yunanlar 767 (5,6%), gürcülər 669 (4,86 %), almanlar
313 nəfər (2,27%) idi. Azərbaycan Xalq Cümhuriyyəti
Azərbaycan Xanlıqları (XVIII əsrin II yarısı)
Azərbaycanın şimal-qərb xanlıq və sultanlıqları (XVIII əsrin II yarısı)
Qaynaq: Azərbaycan tarixi atlası. Bakı, 2007, s. 32
Qaynaq: Azərbaycan tarixi atlası. Bakı, 2007, s. 36
Xəritə 8
Xəritə 9