78
Azərbaycan xalçaları / QAZAX-BORÇALI QRUPU
78
Ağstafa rayonunun Muğanlı kəndində toxu-
nan xalça ara sahə və yeləndən ibarətdir. To-
xucular bu xalçaya “Ağstafa” deyirlər. Ağstafa
xalçaları müxtəlif çeşnilərdə toxunurdu. Belə
naxış kompozisiyasına malik olan xalçalar Qa-
rabağ, Gəncə və Şirvanda da həm namazlıq,
həm də kənarə ölçülərində toxunurdu. Qazax
qrupunda bu tip xalçaların xovu daha yüksək
olur. Namazlıqlar isə aşağı xovla toxunurdu.
Dünyanın məşhur muzey və kolleksiyalarında
“Ağstafa” xalçasının xüsusi yeri vardır. “Ağs
tafa” xalçaları və namazlıqları haqqında ABŞ
və Böyük Britaniyada fundamental tədqiqat
işləri aparılmış, bunun əsasında kitablar,
broşürlər çap olunmuşdur.
Xalçanın üzərində hicri təqvimi ilə 1322-ci
il tarixi yazılmışdır. Üç zolaqlı yelən qırmızı,
şəkəri, sürməyi yerlikli rənglərdən ibarət olub,
iki paralel nəbati naxışlı və mərkəzdə həndəsi
formalı elementlərdən təşkil edilib. Xalçanın
göy rəngli ara sahəsi qırmızı və şəkəri rəngli,
silsiləvi şəkildə dörd ədəd romb formalı göl
lərin birləşməsindən ibarətdir. Bu göllərin
ətrafında fantastik quşlar, iki çarpazlaşmış
qarmaq, xaçabənzər, çərxi-fələk, “X”, “S”, ağac
kimi naxışlar toxunmuşdur. Xalça üzərində
göllərin silsiləvi şəkildə bu növ düzülüşü
həyat ağacı quruluşunu xatırladır. Təbii ki, bu,
həyat ağacının abstrakt formasıdır. Ətrafda isə
iki cüt başı meyvəli, gövdəsi budaqlı və kökləri
belə yuvarlaq toxunmuş ağaclar mövcuddur.
İplərin boyanmasında istifadə olunan sürmə
yi və mavi rənglər indiqodan, qalan rənglər isə
təbii boyayıcı maddələrdən alınmışdır. Təbii
boyalar yerli bitki örtüyündən alınmışdır. Bu
xalçadakı sürməyi və mavi rənglər üçün indi-
qo boyasının Qarabağdan, Ağdam rayonun-
dan gətirildiyini ehtimal etmək olar. Toxunuş
zamanı istifadə olunan iplər əl ilə daranıb və
əyirilib. Xalçanın ərişi, arğacı və xovu yundur.
İlmələrinin sıxlığı 28x45 sm-dir. Xalçanın yerli-
yinin sürməyi və mavi rənglərində əbrəş var-
dır.
Elmi, tarixi və bədii əhəmiyyət kəsb edən
bu xalçada təmir-bərpa işləri aparılmamışdır.
Saxlanma vəziyyəti əladır. Xalça Azərbaycan
Respublikasında şəxsi kolleksiyada saxlanılır.