86
Azərbaycan xalçaları / QAZAX-BORÇALI QRUPU
86
Xalça Borçalı mahalının cənub-şərqində olan
Qaçağan kəndində toxunmuşdur. Qaçağan kən
dində xovsuz xalça məmulatlarından cecim, şəd
də, çul, kilim, xurcun və məfrəşlər toxunmuşdur.
Bu naxış kompozisiyasının Qarabağdan gəlmə
ehtimalı var. Kəlbəcər rayonunun kəndlərində
belə xalçalar çox toxunurdu. Dünyanın tanınmış
xalça ekspertləri və mütəxəssisləri bu xalçalara
xüsusi önəm verirlər.
Xalça ara sahə və haşiyə zolağından ibarətdir.
Yelən üç hissədən təşkil olunsa da, onlardan bi-
rinin naxışları paralel şəkildə cüt toxunub. Bu
naxışlar dilikli formadadır. Ana haşiyə zolağı isə
budaq formalı zoğlarla bir-birinə birləşmiş sək
kizguşəli elementlərdən ibarətdir. Xalçanın ara
sahəsi də çox könül açan rəng ahəngində təşkil
olunub. Şaquli istiqamətdə iç-içə beş rombdan
ibarət toxunmuş dörd göl çox nizamlı şəkildə
biri digərini əvəz edir. Onların mərkəzində
həyat ağacının gövdəsinə bənzər düz xətt toxu-
nubdur. Xalça ümumilikdə daha çox şadlıq və
bayram əhvali ruhiyyəsini xatırladır. Ara sahədə
isə yalnız buta naxışından istifadə edilib. Lakin
bu “buta”lar diaqonal istiqamətdə toxunmuş zo-
laqlar üzərində həndəsiləşdirilmiş tərzdə toxu-
nublar. Adətən, “buta”nın bu üslubda təsvirinə
Bakıda toxunan xalça məmulatları üzərində rast
gəlmək olar. Lakin Qaçağan xalçasında toxu-
nan “buta” daha həndəsiləşmiş tərzdə olub, iki
kənar küncündə qarmaqlar toxunmuşdur. Xalça
üzərindəki rənglər çox kontrastdır. Yaşıl, sumağı,
göy, şəkəri, narıncı kimi rənglər müxtəlif tonlar-
da olsalar da, eyni məkanda çox harmonikdirlər.
Boyaq maddəsi bitki mənşəlidir.
Toxunan naxışların belə narın, incə ilmələrlə
xalçada yerləşdirilməsi onu bir “tirmə” parçası
üzərində istifadə edilmiş dizayna bənzədir. Xal-
çanın xovu hündür olsa da, yunun yumşaqlığı
bu nümunənin dəyərini, toxunduğu bölgənin
özəl xüsusiyyətlərini özündə yaşatdığına əsas
verir.
İplər cins qoyun yunundan alınmış, əldə da
ranmış və əyirilmişdir. Xovu 1 sm, ilmə sıxlığı
32x43sm-dir. Xalçada ağ, qırmızı, sarı, yaşıl, mavi,
sürməyi və qara rənglərdən istifadə olunmuş-
dur. İstifadəçi xalçanı yaxşı qoruyub saxladığı
üçün təmirə də ehtiyac duyulmamışdır. Əriş, ar-
ğac və xovu yundur. Xalça bədii, tarixi və elmi
əhəmiyyət kəsb edir; Azərbaycanda şəxsi kollek-
siyada saxlanılır.