64
Xalçanın bədii quruluşu ara sahə və haşiyə hissəsindən ibarətdir. Bu xalçanın ara
sahəsinin əsas bəzəyi maili istiqamətdə eyni, şaquli və üfüqi istiqamətdə isə biraşırı
dəyişən bitki motivlərindən ibarətdir. Xalçanın ara sahəsi sarı yerliklə, təsvir edilmiş
motivlər isə zoğalı, ağ, mavi, qara, firuzəyi rənglərlə tərtib edilmişdir. Bitki motivləri
kənarları dilikli şəbəkələrin içərisində yerləşdirilmişdir. Şəbəkələri birləşdirən ağ,
qara rənglərlə işlənmiş dördləçəkli güllər kompozisiyanın ümumi görünüşünü
daha da canlandırır və aydın nəzərə çarpdırır. Ara sahənin aşağı və yuxarı hissə
lərində və mərkəzi hissənin sağ və solunda mavi, zoğalı, qara, ağ rənglərlə işlənmiş
“buta”, “S”-ə bənzər motivlər və güllü, yarpaqlı budaqlar təsvir edilmişdir.
Xalçanın ağ yerlikli ana haşiyəsi Şirvan xalçaları üçün xarakterik olan mavi, zoğa-
lı, firuzəyi, sarı, narıncıya çalan qırmızı, qəhvəyi rəngli güllərlə bəzədilmişdir. Ana
haşiyə hər iki tərəfdən içərisində kənarları pilləli üçbucaqlı, altıbucaqlı elementlər
işlənmiş bala haşiyələrlə əhatə olunub. Bala haşiyələrdəki elementlər bir-birindən
ağ, mavi, zoğalı, açıq-qəhvəyi, firuzəyi xətlərlə ayrılır. Daxili bala haşiyə daxildən,
xarici bala haşiyə isə xaricdən ağ rəngli cüzi nəzərə çarpan “Z”şəkilli elementlərlə
əhatə olunub.
Xarici bala haşiyə daxildən, daxili bala haşiyə isə xaricdən ağ, sarı,
mavi, qəhvəyi, firuzəyi, zoğalı dördləçəkli çiçəklər işlənmiş mədaxillə
tamamlanır.
Bu xalça özünəməxsus nadir rəng tərtibatı ilə seçilir. Şəbəkələrin içərisində olan
elementlərin rəngi haşiyələrdəki elementlərin rəngində də təkrarlanır.
Xalça Şirvanın yüksək keyfiyyətli xalçaları sırasına daxildir. Xalçanın xovu və
ərişi yun, arğacı isə pambıqdandır. Saxlanma vəziyyəti əladır. Xalça bədii, elmi, ta-
rixi əhəmiyyət kəsb edir.