58
Xalçanın ara sahəsində kənarları qarmaqlı medalyonlar təsvir edilmişdir. Bu tip-
li medalyonlara Azərbaycanın müxtəlif bölgələrində toxunan xalçalarda və xalça
məmulatlarında nisbətən dəyişik formada rast gəlinir. Qarmaqlı elementlər zoğalı,
sürməyi, ağ, sarı, mavi, açıq və tünd yaşıl rənglərlə işlənmişdir.
Ara sahənin yuxarı və aşağı hissəsində sarı yerlikli zolaqlarda ağ, qırmızı rəngli
güllü budaqlar vardır.
Ara sahənin boşluqlarında stilləşmiş heyvan, quş şəkilləri, kiçik ölçülü, cüzi nəzərə
çarpan rombvari elementlər və “daraq” motivləri vardır.
Xalçanın ağ yerlikli ana haşiyəsi “Zülfələm” adlandırılan motivlərlə işlənmişdir.
“Zülfələm” – saçlı haşiyə deməkdir. Bu elementlərə Quba qrupuna daxil olan xal-
çalarda da tez-tez rast gəlinir. “Zülfələm” motivləri zoğalı-sürməyi, zoğalı-tünd-
yaşıl, zoğalı-mavi, zoğalı-yaşıl-mavi, zoğalı-açıq-qəhvəyi rənglərlə işlənmişdir. Ana
haşiyəni dördləçəkli güllər işlənmiş bala haşiyələr əhatə edir.
Xalçanın ara sahəsindəki və ana haşiyədəki rənglər bala haşiyələrdəki
motivlərdə də təkrarlanır. Daxili bala haşiyə daxildən diliklərlə, xarici
bala haşiyə isə xaricdən “siçandişi”lərlə tamamlanır.
Xalçada rəng tərtibatı yüksək peşəkarlıqla həll edilib. Xalçanın ümumi görünüşü
xoş əhval-ruhiyyə yaradır. Xalçanın xovu və ərişi yun, arğacı pambıqdandır. Saxlan-
ma vəziyyəti əladır. Xalça bədii, tarixi, elmi əhəmiyyət kəsb edir.