Стр. 83 - AZƏRBAYCAN XALÇALARI

81
- Bu müəssisəyə işləməyə gələndə xalça sənəti
haqqında çox az təsəvvürüm var idi. Hətta əl ilə
toxunan xalçaları maşınla toxunan xalçalardan
ayıra bilmirdim. Sonra bu sənətlə daha yaxından
tanış oldum. İşimi o qədər sevdim ki, dəfələrlə
başqa sahələrdən təkliflər gəlsə də, buradan ay-
rılmadım. Fəaliyyətimiz ərzində uğurlarımız da
olub, ugursuzluqlarımız da. Elə dövr olub ki,
müəssisəni bağlamaq məcburiyyətində qalmışıq.
1996-cı ildə mən bura müdir təyin olunanda kiçik
bir otaqda üç dəzgah və dörd toxucu qız var idi.
İki il sonra isə artıq müəssisədə 180 nəfər işçi çalı-
şırdı. Amma əfsuslar olsun ki, həmin dövrdə xal-
çaçılıq iflasa uğradı, bütün bölgələrdə xalçaçılıq
müəssisələri bağlanmağa başladı. Bizim idarədə
də işçilərin sayı kəskin surətdə azaldı. Onda
qərara aldım ki, müəssisəmizi özəlləşdirim, qız-
qadınları başıma toplayıb işimizi davam etdirim.
1. Xalça. “Qollu-Çiçi”. Yun. Xovlu. 174x127. XIX əsrin sonları.
Quba qrupu. Azərbaycan.
2. Xalça. “Pirəbədil”. Yun. Xovlu. 171x128. 1889-cu il.
Quba qrupu. Azərbaycan.
1 2