104
Xalça Qazax kompozisiyası əsasında toxunmuşdur. Xalçanın yuxarı
hissəsində h. 1312 tarixi vardır.
Xalça sənətinin ilk inkişaf dövrünə aid olan və sadə dolama texni
kası ilə toxunan kilimlərin naxışları gəzməli və yaxud gəzməsiz olur.
Kilimlərdən, adətən alaçıqlarda, dəyələrdə və toyxanalarda istər daxi
li bəzək-döşəmə, istərsə də xarici örtük kimi istifadə edilirdi.
Kilimlərdən yas mağarının daxili döşəməsində də istifadə edilirdi və
bu, hal-hazırda da Azərbaycanın əksər bölgələrində davam edir.
Xalçanın əsas bəzəyi üfüqi istiqamətdə tərtib edilmiş enli və ensiz
rapportlardan ibarətdir. Enli rapportlarda “cütbuynuz” motivləri iş
lənmişdir. Bu motivlərin arasında kənarları pilləli klassik elementlər
vardır. Bu klassik elementlər “cütbuynuz” motivlərinin mərkəzində
də rəngləri bir-aşırı dəyişdirilərək təsvir edilmişdir.
“Cütbuynuz” motivləri ağ yerlikli rapportlarda tünd-qırmızı, sür
məyi, yaşıl, göy rənglərlə, sürməyi yerlikli şəkəri, qırmızı, ağ, açıq-
qəhvəyi, tünd-qırmızı yerlikdə isə açıq-yaşıl, sürməyi, sarı rənglərlə
işlənmişdir. Ensiz rapportlarda “damğa” adlandırılan elementlər təs
vir edilmişdir. Bu elementlər tünd-yaşıl yerlikdə qırmızı, qara qırmızı
yerlikdə sarı, göy, ağ yerlikdə qırmızı və zoğalı, göy yerlikdə şəkəri və
qırmızı rənglərlə tərtib edilmişdir.
Azərbaycan dekorativ-tətbiqi sənətinin müxtəlif sahələrində, o cüm
lədən xalçaçılıqda təsvir edilən “cütbuynuz” və “damğa” motivlərinin
tarixi çox qədimdir.
Xalçada kontrast rənglər üstünlük təşkil edir. Ahəngdar surətdə tək
rarlanan rapportlarda rənglər bir-birini əvəz edərək, çox baxımlı rəng
düzümü yaradılmışdır.