94
Bu xalçanın ara sahəsinin yuxarı hissəsində h. 1282 tarixi vardır.
Bu xalça sadə kompozisiya quruluşuna malik olmasına baxmayaraq
özünəməxsus orijinal tərtibatı ilə seçilir.
Qırmızı yerlikli ara sahənin bəzəyi mərkəzdə orta ölçülü, yuxarı
və aşağı hissədə isə kiçik ölçülü dördbucaqlı həndəsi motivlərdən və
“səkkizləçəkli” güllərdən ibarətdir.
Mərkəzdəki sarı yerlikli medalyonun içərisində qırmızı rəngli,
yuxarı hissədəki göy rəngli və aşağı hissədəki yaşıl rəngli medalyonun
içərisində isə sarı rəngli “qoşabuynuz” motivləri işlənmişdir. Mər
kəzdəki həndəsi medalyon xaricdən ağ, qırmızı “siçandişi”lər, daxil
dən isə qırmızı, sürməyi rəngli dilikli motivlərlə əhatə olunub. Yuxa
rı və aşağı hissədəki həndəsi medalyonlar isə qırmızı, ağ, sürməyi
rəngli “siçandişi”lərlə əhatə olunub. Ara sahənin aşağı hissəsində
künclərdə sürməyi rəngli stilləşmiş “uzunqulaq” təsviri vardır. Ara
sahəni yaşıl yerlikli içərisində sarı, qırmızı, ağ rənglərlə tərtib edilmiş
haşiyə əhatə edir. Haşiyə yuxarı və aşağı hissələrdə nisbətən ensiz
tərtib edilmişdir. Sağ və soldan haşiyələrin içərisində qırmızı, sarı,
ağ rənglərlə işlənmiş “cütbuynuz” motivləri vardır. Bu motivlərin
arasında haşiyənin boşluqlarında sarı, ağ rəngli rombvari elementlər
işlənmişdir. Yuxarı və aşağı hissədəki yaşıl yerlikli ensiz haşiyə qırmı
zı, ağ, sarı rəngli kənarları pilləli, rombvari elementlərlə bəzədilmişdir.
Bu elementlər kiçik ölçüdə işlənmişdir. Yaşıl yerlikli haşiyədə təs
vir edilmiş “cütbuynuz” və pilləli motivlər silsiləsi kompozisiyanın
ümumi, dinamik əhval-ruhiyyəsini daha da gücləndirir. Xalçanın
qırmızı yerlikli haşiyəsi “səkkizləçəkli” güllərlə bəzədilmişdir. Güllər
sürməyi, sarı, yaşıl, ağ rənglərlə tərtib edilmişdir. Ləçəklərin üzə
rində cüzi nəzərə çarpan kvadratşəkilli elementlər işlənmişdir. Xal
çanın ağ yerlikli haşiyəsi bir-birinin ardınca düzülmüş, sürməyi, yaşıl,
qırmızı rənglərlə işlənmiş oxabənzər və rombşəkilli elementlərlə bə
zədilmişdir. Ağ yerlikli bu haşiyənin içərisində rombvari motivlər
tərtib edilmişdir. Haşiyələr qırmızı, sarı, ağ “siçandişi”lərlə əhatə
olunmuşdur. “Siçandişi”lər qəhvəyi rəngli “su”larla tamamlanır.