77
mənası olan ümumi totemi idi. Türkdilli xalqların təsəvvüründə maral yüksəliş rəmzi və böyük güc nişanəsi
idi. Maralın dövri olaraq təzələnən ağacabənzər buynuzları cavanlaşma, daima təzələnmə və zamanın gedişinin
genişlənməsi kimi yozulur. Su mənşəli sayılan buğa (öküz) qüvvət və qüdrəti təcəssüm etdirən totemdir. Buğa-
nın qədim təsvirləri Şumerdə, Qafqaz Albaniyasında və Mərkəzi Asiyada tapılmışdır. Ay səcdəgahı sayılan buğa
(öküz) surəti XV əsr Şirvanşahlar dövlətinin gerbinin mərkəzini bəzəyir. Buğa surətinin ay mənşəli olmasına
işarə olaraq onun buynuzları bilərəkdən aypara şəklində verilmişdir. Naxçıvan xalçalarında tez-tez rast gəlinən
əjdaha totemi Azərbaycanda, Türkmənistanda, habelə Sibir ərazisindəki xalqların məişətində və incəsənətində
geniş yayılmış mifik heyvandır. Əjdaha totemi insanın həyatının uğurlu keçməsi üçün ona yardımçı olan heyvan
ruhudur. Əjdaha güclülük, çeviklik, müdriklik, uzaqgörənlik təcəssümüdür. Şaman mərasimlərində əjdahaların
həmişə irəlidə gedib yola işıq saldıqları təsəvvür edilirdi. Qədim insanlar əjdahanın mövcudluğuna inanırdılar.
Naxçıvan xalçalarında ümumi kompozisiyada əsas yer tutan və ən çox gözə çarpan elementlər bütün xalça
kompozisiyalarında olduğu kimi beş qrupa bölünür:
a)
Butalar. Azərbaycan ornamentlərində çox geniş istifadə olunan buta Naxçıvanın həm xovsuz, həm də xovlu
xalçalarında təsvir edilir.
Xalça kompozisiyasında geniş yer tutan buta Naxçıvan xalçalarında da müxtəlif formalarda işlənmişdir. Nax-
çıvanın “Şabalıd buta” kompozisiyası öz bədii tərtibatına görə digər bölgələrin buta təsvirli xalçalarından seçilir.
b) Kətəbələr. Xalça kompozisiyasında kətəbə doldurucu rolunu oynayır.Adətən, uzunsov kətəbələrin üzərində toxucu-
lar müxtəlif yazılar, süjetli kompozisiyalar və yaxud müstəqil quruluşlu ornamentlər yerləşdirir.
Duz torbası. Yun. Xovsuz. 1900-cü il. Naxçıvan qrupu. Azərbaycan.
Azərbaycan xalçaları / NAXÇIVAN QRUPU