46
Sürməyi yerlikli xalçanın ara sahəsində dörd böyük ölçülü göl yerləşdirilib.
Göllərin içərisində kənarları qarmaqlı, nisbətən kiçik ölçülümedalyonlar vardır. Me-
dalyonların mərkəzində dördləçəkli güllər işlənib. Güllər rombşəkilli elementlərin
içərisində işlənmişdir.
Xalçanın ara sahəsinin yuxarı və aşağı künclərində və göllərin arasındakı boşluq-
larda dördbucaqlı medalyonlar vardır. Bu medalyonların içərisində üz-üzə dayan-
mış quşu xatırladan stilləşmiş elementlər vardır.
Xalçanın ara sahəsinin boşluqlarında müxtəlif ölçülü həndəsi, rombvari, “dörd
ünsür”, qarmaqlı, dörd, altı, səkkizləçəkli gül, stilləşmiş heyvan, quş təsvirləri veril-
mişdir. Xalçanın ara sahəsini içərisində “S”ə bənzər motivlər işlənmiş mədaxil əhatə
edir.
Xalçanın ana haşiyəsi zoğalı, ağ, sürməyi, mavi, açıq və tünd-qəhvəyi, sarı rənglərlə
işlənmiş “ox” işarəli motivlərlə bəzədilib. Ana haşiyəni əhatə edən zoğalı yerlikli da-
xili və sürməyi yerlikli xarici bala haşiyələr gül-çiçək motivləri ilə bəzədilib.
Sürməyi yerlikli kənar haşiyə xaricdən “S”ə bənzər zəncirvari
düzülüşlə işlənmiş mədaxillə əhatə olunub.
Qırmızı yerlikli bala haşiyə isə içərisində sarı, ağ çiçəklər işlənmiş mədaxillə əhatə
olunmuşdur. Mavi yerlikli bu mədaxilin kənarları sarı rəngli “su”larla tamamlanır.
Xalça çox zəngin rəng çalarlarına malikdir.
Xalçanın xovu və ərişi yun, arğacı isə pambıqdandır. Saxlanma vəziyyəti tamdır.
Xalça bədii, tarixi, elmi əhəmiyyət kəsb edir.