42
Xalçanın bədii quruluşu ara sahə və haşiyə hissəsindən ibarətdir. Sürməyi yer-
likli ara sahənin əsas bəzəyi şaquli istiqamətdə yerləşdirilmiş üç böyük ölçülü
göldən ibarətdir. Göllər rombşəkillidir. Göllərin kənarları diliklərlə əhatə olunub.
Ara sahənin yuxarı və aşağı hissəsində zoğalı yerlikli “qübbə” motivləri vardır.
“Qübbə” motivlərinin kənarları diliklidir. Diliklərin kənarları ağ rəngli “su”larla
işlənib. “Qübbə”lərin sağ və solunda kvadratşəkilli medalyonlar təsvir edilmişdir.
Xalçanın ara sahəsinin boşluqları müxtəlif formalı və ölçülü həndəsi,
qarmaqlı rombvari, dörd, altı, səkkizləçəkli güllər və digər motivlərlə
doldurulub.
Xalçanın sarı yerlikli ana haşiyəsi qırmızı, sumağı, sürməyi, mavi, şəkəri, sarı, ya-
şıl rəngli spiralşəkilli elementlərlə bəzədilib. Ana haşiyənin kənarları şəkəri rəngli
“siçandişi”lərlə tamamlanır.
Ana haşiyə daxildən zoğalı, xaricdən isə mavi yerlikli dördləçəkli güllər işlənmiş
bala haşiyələrlə əhatə olunub. Ana haşiyədəki motivlərin rəngi bala haşiyədəki
motivlərdə də təkrarlanır.
Daxili bala haşiyə daxildən ağ rəngli diliklərlə, xarici bala haşiyə isə xaricdən sarı
rəngli “siçandişi”lərlə tamamlanır.
Xalça çoxsaylı rəng çalarlarına malikdir.
Xalçanın xovu, ərişi yun, arğacı isə pambıqdandır. Saxlanma vəziyyəti tamdır.
Xalça bədii, tarixi, elmi əhəmiyyət kəsb edir.