Page 55 - AZƏRBAYCAN XALÇALARI

53
Azərbaycan Xalçaları №3 / Yaz / 2012
malik olduğu üçün orada olan xalça-
ların naxışları qədim türk motivləri
əsasında qurulmuşdur. Qaxda,
həmçinin xalça ilə bərabər, kilim,
xurcun və palazlar da toxunmuşdur.
Bu da yerli əhalinin tərəkəmə həyat
sürdüklərinə bir işarədir.
Qaxın qədim məişət ənənələrindən
biri də Tunqay Məlik rəqsidir. Uzun
qış gecələrində hər dəfə bir qon-
şunun evinə yığılıb, köməkləşərək
yun darayan, cəhrə işlədən, xalça
toxuyan qadınların dincəlmək üçün
müxtəlif mərasimləri olub. Nağıl,
sevgi, qəhrəmanlıq dastanları danış-
maqla, bayatı söyləməklə başlanan
mərasimlər, qız-gəlinin iki cərgə da-
yanıb, dəf çala-çala mahnı oxumala-
rı, rəqs etmələri ilə davam eləyib. Bu
musiqili-rəqsli ayinlərdən birinin də
adı «Tunqay Məlik»dir. Bu ayin hələ
də Qaxın bəzi kəndlərində yerli əhali
tərəfindən yaşadılır. Bütün bunlar
əha­linin türk adətlərinə sadiqliyini
göstərir. Çox qədim zamanlardan
türklər bu ərazidə yaşamışlar.
Xalça. Yun. Xovlu. 270x130.
1850-ci il. Qax rayonu. İlisu kəndi.