23
Abşeron xalçalarında ən çox sevilən və müqəd
dəsləşdirilmiş naxışlardan biri “sacayaq”dır. Bu
element quş obrazı şəklindədir. Xalça ikitərəfli
olduğundan, yəni hər iki tərəfdən eyni cür
göründüyündən “sacayaq” elementini də çox dəqiq
detallarla müşahidə etmək mümkündür.
Bir qayda olaraq, quş mistik dünyanın simvolu-
dur. O, dünyasını dəyişdikdən sonra insanların
ruhlarını əbədiyyətə qovuşduran vasitəçidir. Bu
mənada quş müqəddəs məkanın elçisi, əbədiyyət
rəmzidir. Məhz bu müqəddəs motivin olduğu xal-
çalar ənənəyə görə kiçik ölçüdə toxunardı. Çünki
onlardan xalq arasında namazlıq kimi də istifadə
edilirdi.