46
“Alpan” xalçası Quba qrupunda toxunan orijinal nümunədir. Xalça Quba rayonu
nun xalçaçılıq mərkəzlərindən biri İkinci Nügədi kəndində toxunmuşdur. “Alpan”ın
bir neçə kompozisiyasına rast gəlinir. Xalçanın materialı yun, toxuma texnikası türk
bafdır, əl işidir.
Xalça ara sahə və haşiyə zolağından ibarətdir. Tünd rəngli ara sahə üzərində baş
dan-başa rapportlar şəklində qızılgüllər toxunmuşdur. Bu xalçanın mərkəzində
eyni bir element toxunub. Qızılgül çox real təsvir edilib, ornamental formadadır.
Quba xalçalarında yarpaq, ləçək, gül kimi nəbati təsvirlərə çox tez-tez rast gəlinir.
Bu “Alpan” xalçası isə xüsusi tərtibatdadır. Qızılgül çoxmənalı semantikaya malik
dir. Bu çiçək şərqdə kult səviyyəsinədək ucalmışdır. O, gözəllik, məhəbbət, kamil
lik, qüdrət, xoşbəxtlik, gizli eşq, ürək, cənnətin nişanəsi sayılır. Şərq poeziyasında
hər zaman qızılgüllə bülbül bərabər nəzmə çəkilmişdir. Sufizmdə isə quş insan
ruhunu göylərə aparan qüvvə, qızılgül isə uca tanrı qarşısında səcdə edən insan
obrazının müqəddəsləşdirilmiş simvolu kimi yozulur. Qızılgülün ətrinə də xüsusi
yanaşılmışdır. O, cənnətin ətri sayılırdı. Təbii ki, xalça üzərində qızılgülün təsvir
olunduğu ilk zamanlardan çox əsrlər keçib. Bu çiçək öz ilkin formasını itirib, daha
da dekorativləşib. Lakin mahiyyət baxımından onun məzmunu bu gün də dəyişməz
qalıb.
Xalçada heç bir təmir-bərpa işi aparılmamışdır. Xalçanın saxlanma vəziyyəti
əladır. Xalça tarixi, bədii, elmi əhəmiyyət kəsb edir.