32
Xalçanın adı Şamaxının 25 km-də yerləşən Ərçiman kəndinin adı ilə bağlıdır.
Ərçiman xalçaları yalnız Şamaxıda deyil, Qubanın Şahnəzərli, Qonaqkənd, Ağsu
rayonunun Ləngəbiz və digər kəndlərində də toxunmuşdur. Bəzi toxucular və
sənətşünaslar bu tipli xalçaları “Şahnəzərli” adlandırırlar.
Sürməyi yerlikli bu xalçanın ara sahəsində bir-birinin ardınca düzülmüş, şaquli
istiqamətdə işlənmiş üç bütövvə bir yarımçıqgöl təsvir edilmişdir. Göllərin içərisində
kənarları qarmaqlı medalyonlar vardır. Medalyonların mərkəzində Şirvanın digər
xalçalarında rast gəlinən mürəkkəb formalı qarmaqlı elementlər yerləşdirilmişdir.
Göllərin kənarları kvadratşəkilli və kiçik ölçülü rombşəkilli elementlərlə əhatə olu-
nub. Ara sahənin yuxarı və aşağı hissəsindəki göllər “qübbə” motivləri ilə tamam-
lanır. “Qübbə” motivlərinin kənarları dilikli, üzərində isə qarmaqlı motivlər vardır.
Xalçanın ara sahəsinin sağ və solunda şaquli istiqamətdə dördbu-
caqlı, altıbucaqlı, səkkizbucaqlı, rombvari, qarmaqlı, kənarları pilləli
medalyonlar təsvir edilib. Ara sahənin boşluqları müxtəlif ölçülü və
formalı klassik elementlərlə doldurulmuşdur. Ara sahəni “S”ə bənzər
motivlər işlənmiş şəkəri yerlikli zəncirə əhatə edir.
Xalçanın ara haşiyəsi Şirvan xalçaları üçün səciyyəvi olan “ox” işarəli motivlərlə
bəzədilmişdir. Ara haşiyə hər iki tərəfdən içərisində dördləçəkli çiçəklər işlənmiş
bala haşiyələrlə əhatə olunub. Xalçanın ara sahəsini əhatə edən “S”ə bənzər motivlər
işlənmiş zəncirə xalçanın kənarlarında da təkrarlanır. Xalçada təsvir edilmiş klas-
sik və qarmaqlı elementlərə Şirvan qrupuna daxil olan kilimlərdə də rast gəlirik.
Müxtəlif ölçülü və müxtəlif formaya malik olan qarmaqlı elementlərə Gəncə
vadisindəki kurqanda Gəncəçayda aşkara çıxarılmış son tunc dövrünə aid olan ke-
ramika nümunələrində rast gəlinir. Xalça özünəməxsus rəng tərtibatı ilə digər xal-
çalardan seçilir. Xalçada işlənmiş motivlərin rəngi sürməyi yerliklə çox təzadlıdır.
Şirvan xalçaları üçün səciyyəvi olan rəng tarazlığı bu xalçada yüksək peşəkarlıqla
saxlanılmış, bu qrupa aid xalçalara xas olan rəng prinsiplərinə əməl edilməklə, rəng
uzlaşmasında ənənəvi ahəngdarlıq həndəsi ornamentin ahəngdarlığını nəzərə çarp-
dırır.
Xalçanın xovu və ərişi yun, arğacı pambıqdandır. Saxlanma vəziyyəti əladır. Xalça
bədii, tarixi, elmi əhəmiyyət kəsb edir.