Page 92 - AZƏRBAYCAN XALÇALARI

90
“Bu sənəti unudulmağa
qoymayaq, onu yaşadaq”
Söhbətləşdi: Günay Fətəlİyeva
Bu dəfəki xalçaçı həmsöhbətim Ruhiyyə
Süleymanovadır. Onunla bir neçə ay əvvəl,
hələ İsmayıllıda olarkən tanış olmuşdum.
Həyatını xalça sənətinə həsr edən Ruhiyyə
xanım bu gün çətinliklə də olsa, bu qədim
sənəti öz kiçik xalçaçılıq müəssisəsində
yaşatmaqdadır. Ruhiyyə xanımın xalça-
ya olan sevgisinə və gözlərindən oxunan
xoşbəxtliyə heyran qalmamaq mümkün
deyil. Ona görə də bu xanımın xalçaçılıqla
bağlı fikirlərini öyrənmək çox maraqlı gəldi.
Görüşümüz onun rəhbərlik etdiyi “Xoşbəxt”
kiçik müəssisəsində baş tutdu.