82
hər birində mühüm informasiyalar qorunur. Romb
əbədi artım, bərəkət simvoludur. Ulduz astral
inanclarla bağlı, qarmaq isə artıq heraldikmahiyyət
kəsb edən damğadır.
Gəncə ərazisində “Faxralı” kompozisiyası sırf na
mazlıq kimi toxunmuş və buna görə də xalq arasın-
da “Caynamaz” və yaxud “Ceynamaz” adlandırıl-
mışdır. Bununla yanaşı, Gəncənin ənənəvi “Gəncə”
xalçasında da mehrab təsvirinə rast gəlinir.
Qazaxda “Şıxlı”, “Salahlı”, “Dəmirçilər” və s.
kimi ənənəvi mehrablı xalçalarla yanaşı, namazlıq-
lar üçün məxsusi kompozisiyalar da işlənib hazır-
lanmışdır.
Təbrizdə “Əfşan”, “Ağaclı” və s. kimi ənənəvi
kompozisiyalı xalçalarla yanaşı, ara sahəsində çil-
çıraq, sütunlar təsvir olunan çoxlu sayda məxsusi
namazlıq xalçalar vardır və bugünədək də istehsal
olunur.
Namazlıq xalçalar təyinatından asılı olaraq
müxtəlif ölçülərdə toxunurdu. Əksər hallarda on-
lar bir adamın, bəzən üç, nadir hallarda dörd-beş
adamın ibadəti üçün və ya kütləvi (otuz-qırx ada-
mın) namaz qılmaq üçün nəzərdə tutulurdu. Çoxlu
sayda insanın namaz qılmasından ötrü hazırlanan
iri namazlıq-xalılar məscidlərə döşənmək üçün
toxunurdu. Üç və ya dörd-beş adamlıq namazlıq
xalçalar isə, əsasən, evdə, ailəvi istifadə olunurdu.
Namazlıq xalça. Yun. Xovlu. 155x101. 1997-ci il.
Qarabağ qrupu. Azərbaycan. “Azər-İlmə” istehsalı.
“Pirəbədil” (Namazlıq) xalçası. Yun. Xovlu. 144x105.
2005-ci il. Quba qrupu. Azərbaycan. “Azər-İlmə” istehsalı.
“Qabıstan” (Namazlıq) xalçası. Yun. Xovlu. 213x146.
2007-ci il. Şirvan qrupu. Azərbaycan. “Azər-İlmə” istehsalı.