36
Xalçanın ara sahəsinin yuxarı hissəsində, sağ və sol
tərəflərdə məscid binaları vardır. Aşağı hissədə sağ və
solda da tikililər görünür. Bundan əlavə, təbiət təsvir
ləri aşağıdakı ardıcıllıqla verilib: yuxarıda, sol hissədə
cütçü yer şumlayır, kəndli suvarma ilə məşğuldur, qo-
yunlar isə çəmənlikdə otlayır; yuxarı hissədə, sağda bir
kəndli ulaq üzərində yük aparır, o birinin yanında isə
it və öküz təsvir edilmişdir. Aşağıda, soldakı səhnədə
kişinin əlində oraq var, kəndlilər isə buğda kürüyürlər.
Başqa bir kəndli isə ulaqla yük aparır; aşağı hissədə,
sağda isə qadın su aparır, ceyran su içir, biri ulaqla, o
biri isə atla olmaqla iki adam yol gedir.