48
Bu xalça “Suraxanı” çeşnisi əsasında
Abşeronun Goradil kəndində toxunmuş
dur. Xalçanın toxunma texnikası türkbaf
dır.
“Suraxanı” xalçası ara sahə və haşiyədən
ibarətdir. Xalçanı daha baxımlı edən cəhət
onun haşiyə zolaqlarının zəngin tərtibatda
olmasıdır. Yelən yeddi cərgədən ibarətdir.
Bu cərgələrin bəziləri simmetrik olaraq
təkrarlanırlar. Onların daxilində toxun
muş əsas bəzək elementləri nəbati və
həndəsi formalıdırlar. Ən əlvan haşiyə
zolağı təbii ki, “tirmə” şal parçalardan
örnək kimi istifadə edilmiş dekordur. Di
aqonal şəkildə ağ və qırmızı zolaqlarla to
xunmuş bu sahə üzərində kiçik “buta”lar
yerləşdirilmişdir. “Suraxanı” xalçasının
haşiyəsində toxunan “tirmə” şal modeli
Hindistan, İran və digər ölkələrdən bura
ya gələn zəvvarların özləri ilə gətirdiklə
ri parçaların bədii tərtibatından götürül
müşdür.
“Suraxanı” xalçasının ara sahəsi sürməyi
rəngdədir. Bu sahə üzərində dörd ədəd
səkkizbucaqlı, ətrafları dilikli iri göllər
toxunub. Göllərin içərisində mavi və qır
mızı rəng çalarından istifadə edilmişdir.
Bütün köməkçi və doldurucu elementlər
çiçəklərdən ibarətdir. Ətək tərəfə yaxın
sahədə romblar toxunmuşdur və xalçanın
baş hissəsində bir cüt simmetrik, başları
taclı quşlar təsvir olunmuşdur.
Bu bədii tərtibatdakı bütün naxışlar po
zitiv məna daşıyır. Belə ki, onların hər bi
rinin böyük tarixi, semantikası və genetik
əsasları vardır. Güllər cənnətin nişanəsi,
romb əbədi artım, məhsuldarlıq simvolu
dur. Quşlar isə müqəddəs sayılırlar. Onlar
mistik dünyanın təmsilçiləridir. İnsanların
qəlbinin – ruhunun yalnız quş şəklində o
biri dünyaya daşınması haqqında çoxlu
əfsanələr belə vardır. Bu baxımdan hər za
man xalça üzərində mifoloji quşlara rast
gəlinir.