24
vardır. “Bağa” elementləri nadir hallarda Bakı xalçalarında
da təsvir edilir. “Bağa” elementləri uzunömürlülük rəmzi
kimi yozulur.
Şirvan xalçalarının ara sahəsində olduğu kimi, haşiyə his
səsində də “quzu”, “qoç”, “maral”, “çəlik” təsvirləri olur.
Qədim dövrlərdə Azərbaycanın əksər evlərində qapının üs
tündən buynuzlu heyvanların (qoç, maral, çəlik) başını qu
rudulmuş şəkildə asırdılar. Xalq arasında bu heyvanların
başı “gözə gəlməmək” və şücaət simvolu kimi yozulur. Belə
təsvirlərə keçmişdə məişətdə istifadə edilən qabların üzərin
də də təsadüf edilir. Mingəçevirdə və Şirvanşahlar sarayının
ətrafında aparılan qazıntılar zamanı aşkar edilən qablar buna
misal ola bilər.
Bəzi xalçalarda təsvir edilən “Kuvan” elementi dəvə kar
vanı, onun qarşısında təsvir edilən insan fiqurları “Sarban”
kimi yozulur. Qədim dövrlərdən bu günə qədər davamlı
surətdə xalçalarda və məişət əşyaları üzərində təsvir edilən
dəvə elementləri çox diqqətəlayiqdir.
Məlumdur ki, ovçular ova gedərkən özləri ilə şahin və it
aparırdılar. Xalçalarda və digər sənət əsərlərində təsvir edilən
“şahin” şərq xalqları, o cümlədən azərbaycanlılar arasın
da müvəffəqiyyət rəmzi kimi yozulur. XVI əsrin ortalarında
Şamaxıda olmuş ingilis səyyahı belə bir ov səhnəsini təsvir
edərək yazırdı: “Şamaxı hakimi məni özü ilə şahinlə ova
(quşla ov) dəvət etdi. Bu ovda əyanlar da iştirak edirdi.”
Həmin dövrdə Şamaxıda olmuş başqa bir səyyah yazırdı:
“Azərbaycanda hökmdar və əyanlar öz əziz qonaqlarına hə
diyyə olaraq ov quşları− şahinlər bağışlayır”. Şahin quşu
ilə ov, hətta XIX əsrin ikinci yarısında da geniş yayılmışdır.
Adətən, öyrədilmiş şahin quşu atlı və ya piyada ovçunun
qolunda, yaxud çiynində oturdulardı. Şahin quşu ov zama
nı qırqovul, kəklik, turac havaya qalxarkən onun üstünə şı
ğıyaraq caynaqlayar və yerə oturdardı. Quşun düşdüyü səm
ti tez tapmaq üçün onun ayağına zınqırov bağlayırdılar. Şa
hin quşu yemlənən və ya gözlənən quşun da izinə düşərək
onu uçururdu. Ovçu isə quşu havaya qalxarkən vururdu.
Bu quş ovçular arasında çox yüksək qiymətə satılıb-alınardı.
Azərbaycanda şahin quşu ilə ov artıq XX əsrin əvvəllərindən
etibarən aradan çıxmasına baxmayaraq, bu səhnə sənət əsər
ləri vasitəsilə nəsildən-nəslə keçərək, xalqın yaddaşında ya
şayır.
Ovçuluq xalçalarında və xovsuz texnika ilə toxunan “şəd
də”lərdə, stilləşmiş at fiqurlarının təsvirinə tez-tez rast gəlinir.
Şirvanın Ovçuluq xalçalarının yuxarı və aşağı hissələrində
təsvir edilən “xoruz” elementləri də orijinallığı ilə diqqəti cəlb
edir. Qoşa xoruz xeyirlə şərin, gecə ilə gündüzün təması kimi
yozulur; tək xoruz isə səhərin açılması rəmzi hesab olunur.
Xalçalarda təsvir edilən it insanların dostu, köməkçisi kimi
yozulur.
Şirvan xalçalarında təsadüf edilən “pərvanə”, “sarı bülbül”
“çanaqlı bağa ,“balıq”, “xoruz”, “ördək”, “pişik ayağı”, “tu
la”, “quzu”, “toyuq” və s. stilləşmiş doldurucu təsvirlər də bu
qrup üçün səciyyəvidir.
Şirvan xalçalarının, kompozisiya və ornamentlə yanaşı,
üçüncü bədii xüsusiyyəti onun kolorit həllidir. Rəng amili
nin böyük əhəmiyyətə malik olduğu danılmaz faktdır. Hər
hansı digər əşya kimi xalçalar da ilk növbədə rəng və işıq
kontrastları sayəsində diqqəti cəlb edir. Şirvan qrupunun
xovlu xalçalarında rənglər palitrası bir qədər fərqlidir. Bu
qrupa daxil olan “Qabıstan”, “Qəbələ”, “Mərəzə”, “Şa
maxı”, “Ərçiman”, “Hacıqabul”, “Kürdəmir”, “Qəşəd”,
“Şilyan”, “Şirəlibəy”, “Salyan”, “Nabur” xalçalarının kolo
ritinin təhlili göstərir ki, sadalanan bütün bu xalçalarda ara
Xalça. Yun. Xovlu. XIX əsr.
Şirvan qrupu. Azərbaycan.
Xalça fraqmenti. Yun. Xovlu. XIX-cu əsrin sonu.
Şirvan qrupu. Azərbaycan. Şəxsi kolleksiyadan.
Şirvan xalçalarının, kompozisiya
və ornamentlə yanaşı, üçüncü
bədii xüsusiyyəti onun kolorit
həllidir. Rəng amilinin böyük
əhəmiyyətə malik olduğu
danılmaz faktdır. Hər hansı digər
əşya kimi xalçalar da ilk növbədə
rəng və işıq kontrastları sayəsində
diqqəti cəlb edir.