25
Azərbaycan xalçaları / şİRVAN QRUPU
sahə fonu tünd-göy rəngdədir. Bəzi xalça növləri, məsə
lən, “Qabıstan” xalçaları üçün ara sahə fonu, demək olar
ki, mütləq ağ və ya tünd-göy rəngdə olur. “Qabıstan”
xalçalarında ana (əsas) haşiyə qırmızı, ağ, sarı və hətta ara
sahə ilə analoji tünd-göy rənglərdə ola bildiyi halda, is
tər ara sahənin, istərsə də haşiyələrin əsas ornamentləri
və doldurucu elementləri üçün ağ, oxra, qırmızı, göy, ya
şıl, tünd-göy, mavi rənglərdən istifadə edilir. “Salyan”,
“Nabur”, “Şilyan”, “Qəşəd”, “Kürdəmir” xalçalarında ara
sahə fonu üçün faktiki olaraq mütləq tünd- göy rəng se
çilir. Ara haşiyədə ağ, sarı, qırmızı rənglər üstünlük təşkil
edir. İstər ara sahənin, istərsə də ana və bala haşiyələrin
ornamentləri və elementləri, onların konturları üçün,
əsasən, “Qabıstan” xalçalarında olan rənglərdən istifadə
edilir.
“Şirəlibəy” xalçalarının ara sahə fonu qara, ana haşiyə
fonu isə, adətən, sarı seçilir. Ara sahənin ana və bala haşi
yələrinin elementlərini dolduran ornamental motivlər ağ,
oxra, qırmızı, tünd-qırmızı, yaşıl, göy və qara rəngli ola bi
lər.
“Hacıqabul” xalçalarında ara sahə fonu tünd-göy, ara
haşiyə fonu ağ, kiçik haşiyə fonu isə sarı rəngdədir. Əsas
ornamentlər və doldurucu elementlər, eləcə də onların
gəzmələri ağ, oxra, qırmızı, yaşıl, umbra, mavi, tünd-göy
rənglərlə işlənmişdir.
“Ərçiman” xalçalarının da ara sahə fonu tünd-göy, ara
haşiyə fonu sarı rəngdə olur. Şirvan xalçalarında ara haşi
yənin ağ fonu ilə uzlaşmada tünd-göy, yaxud qara rəngli
ara sahə fonu və onunla eyni rəngli kiçik haşiyə fonu olur.
Doldurucu elementlərin ornamental motivləri və onların
gəzmələri üçün yuxarıda qeyd edilmiş ağ, oxra, qırmızı,
göy, tünd-yaşıl, qara, bənövşəyi rənglərdən istifadə
olunur.
“Mərəzə” xalçalarının orijinal rəng uzlaşmaları var.
Burada Şirvan xalçaları üçün ənənəvi olan ara haşiyənin
qırmızı fonu ilə uzlaşmada tünd-göy rəngli ara sahə fonu
ilə yanaşı, sarı və çoxrəngli (göy, qırmızı, mavi) ara sahə
fonlu nümunələrə də rast gəlirik.
“Şamaxı” və “Qəbələ” xalçaları daha geniş kolorit dia
pazonunda işlənmişdir. “Şamaxı” xalçalarında ara sahə
fonu ənənəvi tünd göy rənglə yanaşı qırmızı, yaxud mavi
rəngdə də ola bilər. Ara sahə ilə ara haşiyə fonlarının
uzlaşmaları kontrastlı olur; misal üçün, tünd göy-ağ,
qırmızı-sarı və ya fil sümüyü rənglərində, yaxud da yum
şaq; məsələn, tünd göy-göy, mavi-ağ isə i.a ornamentlərin
fonunda, onların gəzmələrinin, eləcə də xırda elementlərin
fonlarında və gəzmələrində hər hansı bir rəngə üstünlük
verilmir və burada ən müxtəlif rənglərə (lakin ciddi
qanunauyğunluqla) rast gəlmək olar. Ornamentlərin və
elementlərin fonları parlaq olduqca, onların gəzmələrinin
rəngləri, sanki, fonun parlaqlığını azaldır və əksinə, fon
tutqun rənglə işlənmişsə, həmin rənglər onu canlandırır.
“Qəbələ” xalçalarında da ara sahə fonu tünd-göylə
yanaşı sarı, qırmızı, hətta qara rəngli ola bilər. Ara sahə
fonunun ara haşiyə fonu ilə uzlaşma prinsipləri “Şamaxı”
xalçalarında müşahidə olunanlarla eynidir.
Ara sahə və ara haşiyə fonlarının rəngləri ilə əsas orna
mental motivlərin və doldurucu elementlərin fonları
və gəzmələri rənglərinin nisbəti də analoji prinsip üzrə
qurulur.
Şirvan xalçalarının rəng xüsusiyyətlərini ümumiləşdi
rərək aşağıdakı nəticələrə gəlmək olar: həmin xalçaların
əksəriyyətinin ara sahə fonu tünd-göy rənglidir. Hərçənd
Xalça fraqmenti. Yun. Xovlu. XIX əsr. Şirvan qrupu.
Azərbaycan.
ki, bunlardan ara sahə fonu ağ, mavi, qırmızı, sarı, qara və
hətta (çox az hallarda) başqa rənglərdə olanlarına da rast
gəlinir. Əsas ara haşiyə fonunda sarı, ağ və qırmızı rənglərə
üstünlük verilir. Tünd-göy, göy, mavi, oxra və s. rənglərə
nisbətən az təsadüf edilir. Ara sahə fonu üçün tünd-göy
rəngdən istifadə edildikdə ara haşiyə fonu çox zaman sarı,
yaxud, qırmızı rəngdə olur. Bütün qalan rənglərin ara sa
hə fonunun tünd-göy rəngi ilə uzlaşdırılmasına çox az rast
gəlinir. Burada bütövlükdə kontrastlı rəng uzlaşmaları üs
tünlük təşkil edir.
Şirvan xalçalarında ara sahə və ara haşiyə fonlarının ey
niliyi də (az-az hallarda olsa belə) müşahidə edilir. Ara
sahə fonunun onun üzərində əsas motivlərin fonu ilə uz
laşdırılmasında da kontrastlıq saxlanılır. Tünd-göy fonda
həmin motivlər çox zaman sarı, ağ və yaxud qırmızı rəng
li olur. Mavi, göy, yaşıl rənglər nisbətən az işlədilir. Qa
lan rənglərə, ümumiyyətlə, az təsadüf edilir. Ara sahə ele
mentlərinin rəngi, əsasən, ağ olur. Gəzmələrdə isə qara və
qırmızı rənglərə üstünlük verilir. Ara haşiyənin elementləri
çox zaman qırmızı rəngdədir, lakin bunların oxra, mavi, ağ
və tünd-göy rəngdə olması hallarına da tez-tez rast gəlinir.
Digər rənglərdən burada çox az istifadə edilir. Şirvan xal
çalarının kiçik haşiyə, mədaxil və zəncirə elementlərində ən
geniş rəng çalarından istifadə olunmuşdur.
Beləliklə, Şirvan qrupunun hər bir kon
kret xalçasında rəng ahəngdarlığı yara
dılması özünəməxsus şəkildə həll olunur.
Bu hal digər istehsal mərkəzləri və onların
məntəqələrinin əksər xalçalarında da özü
nü göstərir.