22
Şamaxı şəhəri olmuşdur. Sonralar sumaxlar Azərbaycanın
digər bölgələrində və Dağıstanda da toxunmuşdur.
“Sumax” xalçasının adı Şamaxı toponimi ilə əlaqələndirilir.
Tarixi mənbələrdə tez-tez adı çəkilən “məxfur” adlı xal
ça məmulatı Şirvan bölgəsində geniş yayılmışdır. Bu növ
xovsuz xalça da ilk dəfə Şirvan bölgəsində toxunmuşdur.
Sonralar bu texnikanınsirləriAzərbaycanındigər bölgələrinə
və Orta Asiyaya, xüsusilə Səmərqəndə yayılmışdır.
Orta əsrlərdə toxunmuş, qızıl, gümüş saplar və qiymətli
daşlar işlənmiş xalçalar “məxfur” adlanırdı. Şirvan toxu
cuları məxfuru toxuyarkən xovlu və xovsuz texnikadan is
tifadə edirdilər. Bu növ xalçaların yerliyi “palas” texnikası,
naxışları xovlu texnika ilə bəzilərinin isə yerliyi mürəkkəb
dolama və yaxud “qayıq” texnikası ilə, naxışları xovlu tex
nika ilə toxunurdu. Türkmənistanda toxunan “Yolam” adlı
məişət əşyası da bu növ texnika ilə toxunur.
Şirvanda medalyonlu xalçalar çox geniş yayılmışdır. Bu
qrupun medalyonlu xalçalarına “Şirvan”, “Cəmcəmli”,
“Ərçiman”, “Qəşəd”, “Hacıqabul”, “Qəbələ”, “Nabur”,
“Şilyan” kompozisiyalı xalçalar daxildir. “Ərçiman” xal
çalarının ara sahə kompozisiyası şaquli mərkəz oxu üzə
rində yerləşən bir neçə göldən ibarətdir. Ərçiman xalçaları
üçün xarakterik olan göllər, əsasən, şaquli istiqamətdə bir
sırada yerləşdirilən bir neçə göldən ibarətdir. Bəzən iki göl
sırası olan “Ərçiman” xalçalarına da rast gəlmək olur.
Şirvan qrupuna daxil olan xalçalarda ara sahədə üfüqi
xətt üzrə simmetrik kompozisiyalar iki böyük gölə bö
lünmüşdür. Həndəsi formalı medalyonlu xalçalar bütün
dövrlərdə istər yerli əhalinin, istərsə də əcnəbilərin alıcılıq
marağını artırmışdır. Bu gün də bu tipli xalçalara maraq di
gər xalçalardan daha çoxdur.
Şirvan qrupuna daxil olan, XIX əsrdə toxunmuş “Şamaxı”
adlandırılan xalçalarda palmet ornamentinin çox maraqlı
bir nümunəsi vardır. Göy yerlikli bu xalçada üfüqi xətt
boyunca palmettaların yeddi sırası yerləşdirilmiş, bunla
rın daxili ornamenti qismində isə sərv ağacları təsvir edil
mişdir. Azərbaycan dekorativ-tətbiqi sənətinin müxtəlif
sahələrində, o cümlədən xalçalarda işlədilən müxtəlif öl
çülü sərv ağacının təsvirinə əjdahalı xalçalarda da rast gəl
mək olar. XX əsrin əvvəllərində Şirvanda toxunmuş “Şa
maxı” xalçalarında palmettalar ölçücə nisbətən böyüyür.
Onlardakı sərv ağacları daha artıq stilizə olunur.
Şirvanda toxunan xalçalar arasında qapalı kompozisiyalı
xalçalar da mövcuddur. Bu xalçalara xüsusi ibadət xalçala
rı − namazlıqlar daxildir. Burada toxunmuş namazlıq xal
çalarda ənənəvi kompozisiyalardan istifadə edilmişdir. Bu
tipli xalçalarda mehrabların təsviri “Sor-sor” və “Qabıstan”
adlananxalçalarınqarşılıqlı çarpazlaşankompozisiyalarında
da vardır. Şirvan bölgəsində böyük ölçülü, enli (kollektiv
ibadət üçün) namazlıqlar da toxunmuşdur.
Bu tipli xalçalarda “Qəbələ” və “Mərəzə”
kompozisiyalarından istifadə edilir.
XIX əsrin sonlarında Şirvanda toxunmuş
namazlıq xalçalarında ümumi kompozisi
ya stilizə edilərək müstəqil ornamental
motivə− medalyona çevrilir və bu motiv
bütün xalça boyunca təkrarlanır, bir sözlə
toxuculuq ənənəsi bərqərar olmağa başla
yır. Şirvan xalçalarında çoxsaylı buta mo
tivləri işlənmişdir. Bu qrupa daxil olan
xalçalarda “Cıqqabuta”, “Gülabdanbuta”,
“Balabuta”, “Hörməbuta”, “Badambuta”,
“Şirvanbuta” və s. motivlərinə rast gəlinir.
Bitki motivlərindən “çölotu”, “meşəqozu”,
“şükufə”, “nargülü”, “güləbətin”, “sünbül”,
“ağac”, “almagülü”, “üzüm”, “meynə yar
pağı”, “dəstəgül”, “günəbaxan”, “heyvagü
lü”, “nar”, “qoza”, “palıd yarpağı” və “zan
baq” motivləri işlənmişdir.
Şirvan xalçalarında “pəncərə”, “dördtox
ma,” “dişlipərə”, “qətdan”, “cıqqa”, “bö
yükxal”, “küpə”, “çarx”, “kaşı”, “damğa”,
“tağalağ” (cəhrə hissəsidir), “dırnaqlı”
(qədim yunan motivlərini xatırladır), “çı
raq”, “yüyrük” (xəyal və arzu rəmzi kimi
yozulur), “fır-fıra”, “dilikli”, “sırğa”, “də
mirmaşa”, “tuğ”, “toy bəzəyi”, “qayçı”,
“sünbüldaraq”, “zülfələm”, “çaxmaq” və s.
motivlər işlədilir.
Əsrlər boyu bu bölgənin xalçalarının üzərində təsvir
edilən insan, heyvan və həşərat təsvirləri dəyişərək, eyni
zamanda, inkişaf edərək bədii tərtibat keyfiyyətinin yüksək
zirvəsinə çatmışdır. Şirvan bölgəsinin xalçalarında insan,
heyvan, quş və həşərat təsvirlərinə Quba və Bakı qrupu
na daxil olan xalçalara nisbətən daha çox rast gəlinir. Xalça
ustaları xovsuz və xovlu texnika ilə toxunan xalçaların bədii
tərtibatında təsvirləri məharətlə işləmişlər. Toxucular stilizə
edilmiş insan təsvirlərinəmümkünqədərgenişyervermişlər.
Bu təsvirlərin stilləşməsi xarici aləmi əks etdirmək səyi ilə
birgə, başqa xalçatoxuma texnikasından da asılı olmuşdur.
Canlıların təsvirləri xalçaların kompozisiyasında, əsasən,
doldurucu elementlər kimi çıxış etmişdir.
İnsan təsvirləri yalnız bütöv fiqur şəklində deyil, eyni za
manda, insan əzaları (göz, əl, bığ və s.) şəklində də müşa
hidə olunur. Bundan başqa təsvirlər bəzən bu və ya digər
bir iş prosesini də göstərir. Buna əlində dəsmal rəqs edən
Çeşidli kilimlərin satışı.