94
Azərbaycan xalçaları / QAZAX-BORÇALI QRUPU
94
“Ləmbəli” xalçası Borçalı mahalının Sadax-
lı kəndində toxunub. Sadaxlı Borçalının ən
qədim və böyük kəndlərindən biridir. Sadaxlı
ilk vaxtlar Bənövşə çayının (yerli əhali onu Çax-
rax da adlandırır) sol tərəfində, Daşçıxan adla-
nan yerdə yerləşmişdir. Kəndin ətrafındakı Sarı
körpü, Taxtalı arx, Daşçıxan, Mameyi (Mamay)
qəbiristanlığı, Tarpın daşı adlanan ərazilərdə
aparılan qazıntılar zamanı tapılan ox ucları,
gil qablar, müxtəlif ibtidai alətlər, günəş və
şüa rəmzli bəzək əşyaları, Muşul meşəsində
aşkar edilmiş saxsı borular, saxsıdan hörülmüş
çarhovuz, pilləkənlər, Göycəlidə olan iri tiki-
li bu yerlərin qədim insan məskəni olduğunu
göstərir. Sadaxlıdakı köhnə qəbiristanlardan bi
rində yazısını oxumaq mümkün olan qəbir da-
şının 400 illik tarixi vardır. Keçmişdə bu kəndin
meşələrində kömürxanalar olub, ətraflarda
kirəc yandırılıb, kərpic kəsilib, dəmirçixana,
su dəyirmanı olub. Onların izləri bu gün də
qalır. Sadaxlı kəndinin yerləşdiyi dağlı-me
şəli-çəmənli və olduqca əlverişli coğrafi məkan,
füsunkar təbiət, yaxınlıqdan axan Debed və
Bənövşə çayları, bərəkətli torpaqlar, qonşu
ərazilərə gedən çoxsaylı yolların üstündə yer
ləşməsi bu kəndin həyatına olduqca mühüm
təsir göstərib.
Sadaxlı kəndi ilə İrəvanın Loru mahalının
Ləmbəli kəndini Bənövşə çayı ayırır. Bu na-
xışda olan xalçalar İrəvanın Ağbaba mahalının
Oxçoğlu və Güllübulaq kəndlərində çox toxun-
muşdur. Bəzən “Əjdahalı Ləmbəli” adı ilə tanı-
nan bu xalçanın ipləri yerli bitkilərdən alınmış
ağ, qara, sürməyi, mavi, yaşıl, sarı, qırmızı və
bənövşəyi rənglərlə boyadılmışdır. Boyama
üçün güllər, otlarla yanaşı ağac köklərindən,
meyvənin qurumuş qabıqlarından istifadə olu-
nurdu.
Rəng həlli, elementlərin seçimi və düzülüşü
xalçanı çox baxımlı edir. Toxunduğu dövrdən
xeyli vaxt keçsə də, rənglər solmayıb, lakin
baş tərəfdə, yaşıl yerlikdə əbrəş izləri görünür.
“Ləmbəli” xalçası üzərində görünən yaşıl rəng
öz aydınlığı, yumşaqlığına görə digər qruplar-
da istifadə edilən yaşıl rəngdən tam fərqlənir.
Sözsüz ki, yaşıl rəngin alınmasında indiqo
boyağından istifadə edilib, lakin yerli boyaq-
çı sənətkarların bu tonun alınmasındakı fərdi
üsullardan istifadə etməsi xalçanı daha baxımlı
edib.
Xalça klassik ənənəvi çeşni üzərində toxu-
nub. Naxışların hər biri simmetrikdir, lakin göl,
onun içindəki elementlər çox böyük vizual təsir
gücünə malikdirlər. El arasında gölün içərisini
bəzəyən qeyri - müəyyən formalı element çox
zaman “qurbağa” və ya “çanaqlı bağa” adlan-
dırılır. Xalça büsbütün damğalardan ibarətdir.
Səkkizbucaqlı göl baş və ətəkdən qübbə (baş-
lıq) adlanan həndəsi elementlə tamamlanır.
Bütün bunlar kənar tərəfdən, qarmaqlarla
ardıcıl bəzədilib. Xalçanın mərkəzindəki gö-
lün içərisində yerləşdirilmiş element tayfa
mənsubiyyətini bildirən elementdir. Bu xalça
başdan-başa qədim türk elementləri ilə bə
zədilib.
Xalçanın xovu 1 sm-dir. Arğacı, ərişi və xovu
yundandır. İplər quzu yunundan alınmış və
əldə əyrilmişdir. Sıxlığı 35x55 sm-dir. Xalça
üzərində təmir və bərpa işləri aparılmamış-
dır. Xalça bədii cəhətdən olduqca əhəmiyyətli
nümunədir; elmi və tarixi əhəmiyyət daşıyır.
Azərbaycanda şəxsi kolleksiyada saxlanılır.