30
“Herat Pirəbədil” Quba toxuculuq qrupunun Şabran rayonunda Əmirxanlı kən
dində toxunmuşdur. Xalça orijinaldır. Çox keyfiyyətli toxunuşa, incə kompozisiya
ya malikdir. Materialı yun, toxunuşu türkbafdır, əl işidir, xovludur.
Xalça ara sahədən və haşiyə zolağından ibarətdir. Haşiyəni iki zolaq təşkil edir.
İlk kənar zolaq iç-içə keçirilmiş budaqvari elementlərin arasından rombabənzər
güllərin yerləşdirilməsindən ibarətdir. İkinci yelən cərgəsini isə bir neçə elemen
tin toxunuşu təşkil edir. Bu naxışların hər birinin xalq arasında fərqli adları vardır.
Məsələn, yarpaq formalı sivri elementlər – “balıq”, iki qolu yanlara doğru açılmış
həndəsi formalı digər element – “tısbağa” və ya “çayniknişan” adlanır. İlk baxışdan,
həqiqətən də “tısbağa”nı xatırladan bu element şərq mifologiyasına görə müdriklik
simvoludur. Azərbaycan xalçaları arasında az sayda xalça kompozisiyasında “tısba
ğa” elementinə rast gəlirik.
“Herat Pirəbədil” xalçasının qara yerliyi üzərində “bəndi-rumi” kompozisiya qu
ruluşunda çox sayda stilizə edilmiş nəbati elementlər toxunub. Bu xalçanın kom
pozisiyasının mərkəzində toxunmuş yarpaqlar da “balıq” adlanır. Real “balıq”
elementinə Təbrizin “Dərvişlər” və s. xalçalarında da rast gəlmək olar. Lakin “He
rat Pirəbədil” xalçasının ara sahə kompozisiyasının daha dəqiq detallarla incə to
xunuşlu variantları Qarabağ və Təbrizdə toxunan “Balıq” xalçalarında müşahidə
edilir.
Kiçik ölçüdə olduğuna görə “Herat Pirəbədil” xalçasından “namazlıq” kimi də
istifadə edildiyini söyləmək olar.
Rəng çaları baxımından xalça orijinaldır. Yaşıl, sürməyi, qırmızı, sarı, şəkəri, narın
cı tonların hər biri xalçanın klassik üslubda toxunmasına sübutdur.
Xalçada heç bir təmir-bərpa işi aparılmamışdır. Saxlanma vəziyyəti əladır. Xalça
tarixi, bədii və elmi əhəmiyyət kəsb edir.