20
Kilim fraqmenti. Yun. Xovsuz. XIX əsr. Şirvan
qrupu. Azərbaycan.
Müxtəlif dövrlərdə Şirvanda
olmuş əcnəbi səyyahlar,
tacirlər, coğrafiyaşünaslar
evlərdə xalça və xalça
məmulatları toxunduğundan
bəhs etmişlər. Görkəmli
ərəb tarixçisi Əbu-Cəfər-
Təbəri (839−923) ərəblərin
Azərbaycana yürüşünü təsvir
edərkən Azərbaycanın şi
mal-qərb bölgəsində−Şirvan
əyalətində 22 hicri ilində
(642-ci il) çox gözəl xalçalar
toxunduğunu qeyd edirdi.
Məfrəşdən fraqment. Yun. Xovsuz. XIX əsr.
Şirvan qrupu. Ağsu. Azərbaycan.
Nabur və digər kəndlərində qara boyaq almaq üçün turş narın
qabığını iplə qaynadır, sonra həmin ipi “qara torpaq” məhlulunda
və ya “qara zağ” məhlulunda ikinci dəfə “bişirirdilər”. Eyni
zamanda, bu bölgədə ipi itburnu, qallı, sumax, sarağan vasitəsilə
də qara rəngə boyayırdılar. “Qara torpaq” təbii halda açıq-sarı
rəngli olur, ona daha çox Qobustan kəndlərində (Ərəbqədim,
Yekəxana, Mərəzə, Təklə, Ərəbşahverdi, Kolanı, Poladlı və b.) olan
dərə və təpələrdə təsadüf edilirdi.
Boyama prosesində ip əvvəlcə aşqarlanırdı, yəni ip zəy məh
luluna və ya zəy qarışdırılmış turş alça lavaşanasının məhluluna
salınırdı. Lavaşana olmadıqda onu alça, ərik və zoğal suyundan
hazırlanmış turş, qatı məhlul və yaxud ayranla əvəz edirdilər.
Şirvanda yun ipin aşqarlanmasının başqa bir üsulu da mövcud
idi. Burada ipi boyamazdan əvvəl onu alça lavaşanası və ya alça
məhlulunda bişirirdilər. İpboyama işinə əsas etibarilə payızın son
aylarında başlanırdı. Bu zaman yay və payız vaxtında lazım olan
təbii boyaq otları və meyvələrin hamısı toplanıb, tədarük edilirdi.
Bunun başqa bir səbəbi də yun məmulatının əksər hallarda qış
aylarında toxunması idi. Boyanmış ip çox saxlanıldıqda onu gü
və yeyə bilir, toz basırdı. Bu səbəbdən də ip istifadəyə gərək olan
məqamda boyanırdı. Boyaq bitkilərinin Şirvanda çox olmasına
baxmayaraq, bu empirik biliklər hər bir boyaqçıda sirr olaraq
saxlanıldığından, boyaq texnologiyasının bir çox sirləri bizə gəlib
çatmamışdır.
Müxtəlif dövrlərdə Şirvanda olmuş əcnəbi səyyahlar, tacirlər,
coğrafiyaşünaslar evlərdə xalça və xalça məmulatları toxundu
ğundan bəhs etmişlər. Görkəmli ərəb tarixçisi Əbu-Cəfər-Təbəri
(839−923) ərəblərin Azərbaycana yürüşünü təsvir edərkən Azər
baycanın şimal-qərb bölgəsində−Şirvan əyalətində 22 hicri ilində
(642-ci il) çox gözəl xalçalar toxunduğunu qeyd edirdi. Orta əsr
lərdə Şirvanda xalçaçılıq sənəti yüksək inkişaf səviyyəsinə çat
mışdır. Xaqani Şirvani öz divanında Əbülhəsən Əlinin məşhur
ağac ustası (nəccar) və babasının toxucu olduğunu fəxrlə qeyd
edir. Şirvan xalçaları haqqında orta əsr Avropa səyyahlarının ya
zılarında da maraqlı məlumatlar vardır. 1254-cü ildə Şamaxıda
olmuş fransız səyyahı V. Rubruk burada yüksək keyfiyyətli xal
çaların toxunduğunu qeyd edir. XVI əsrdə Şirvanda olmuş Ban
nisler və Duket yerli sənətkarların evlərindəki xalçalardan və
digər məmulatlardan bəhs etmişlər. Onlar qeyd edirlər ki, yerli
sakinlərin evlərində xalça və mis məmulatları istisna olmaqla ev
əşyaları azdır; onlar yerdə, xalça üstündə bardaş qurub otururlar;
bu sadə adamlar arasında eləsi tapılmaz ki, yüksək və yaxud
nisbətən aşağı keyfiyyətli xalçası olmasın; onların evlərində otur
duqları və digər otaqlarda başdan-başa xalçalar döşənmişdir.
Bütün bu qeyd edilənlər sübut edir ki, orta əsrlərdə Şirvanda
əhalinin bütün təbəqələri xalçalardan və xalça məmulatlarından
geniş istifadə etmişlər. Şirvan xalçaları haqda məlumatlara XVII−
XVIII əsr səyyahlarının yazılarında da rast gəlirik. Dərbənddən
Bakıya, sonra isə Şamaxıya gəlmiş alman səyyahı A. Oleari qeyd
edir ki, kəndlilərin evləri çox səliqəlidir və döşəmələri xalılarla
örtülmüşdür. Şamaxıda olmuş Şotlandilyalı Beldə də oxşar mə
lumatlara təsadüf edilir.
Son orta əsrlərdə toxunmuş “Şamaxı” adlı xalçalar Sankt-Peter
burqda, Yunanıstanın Afina şəhərindəki “Benaki” muzeyində,
Nyu-Yorkun “Metropoliten” muzeyində və Londonun “Viktoriya
və Albert” muzeyində nümayiş etdirilir. Adını çəkdiyimiz bu xal
çalar hal-hazırda dünyanın ən nadir sənət inciləri sırasına daxildir.
Şirvan xalçaları istehsal texnologiyasına görə xovsuz və xovlu,
bədii (naxış) xüsusiyyətlərinə görə isə süjetli və süjetsiz növlərə
bölünür. Şirvanın xalçaçılıq mərkəzləri Şamaxı, Ağsu, Kürdəmir,
Hacıqabul, Ağdaş, Göyçay, Zərdab, İsmayıllı, Qobustan, Ucar ra
yonlarının bir sıra kəndlərini əhatə edir. Qəbələ və Salyan xalçaları