30
“Novxanı” xalçası Bakının eyni adlı kən
di ilə bağlı olub, tanınmış çeşnilərdəndir.
Xalçanın ərişi, arğacı və xovu yundan
dır. Toxunma üsulu türkbafdır. Yum
şaq xova, yüksək ilmə sıxlığına malikdir.
“Novxanı” xalçası Bakı xalçaları arasında
tanınmış klassik kompozisiyadır. Onun
özünəməxsus bədii tərtibatı vardır.
Xalça ara sahə və haşiyə zolağından iba
rətdir. Haşiyəni altı hissədən ibarət zolaq
təşkil edir. Bu haşiyə zolaqları içərisində
iki cüt zolaq simmetrik şəkildə təkrarlanır.
İlk haşiyə zolağı isə mavi yerliklidir, üzə
rində mixək çiçəyi adlanan şəkəri rəngli
güllər toxunub. Bu güllər öz aralarında cüt
cinah şəklində toxunduqları üçün onların
düzülüşündə bir ritm, ahəng duyulur.
Ana haşiyə zolağının içərisində svastikaya
bənzər mücərrəd həndəsi elementlər toxu
nub.
Xalçanın ara sahəsi sürməyi rəngdədir.
Ətək hissəsində mavi rəngli əbrəş izləri
var. Xalçanın ara sahəsini altıbucaqlı üç
göl bəzəyir. Bu göllərin içərisində yer
ləşmiş kiçik altıbucaqlı gölün içərisin
də səkkiz ləçəkli gül toxunub. Bütün bu
göllər, onların içərisini bəzəyən naxışlar
fərqli rənglərdədirlər. Hətta kiçik iç gölü
bəzəyən xırda çiçəklər də tamamilə seçilən
başqa rəngdədir. Naxışların toxunuşu elə
bir düzgün, sistemli şəkildə düzülüb ki,
sanki “Novxanı” xalçasının mərkəzindəki
göl günəş, onu əhatə edən kiçik güllər isə
hərəkət edən planetlərdir.
Xalçanın bütün yerliyi naxışlarla zən
gindir. Butalar, sxematik həndəsi formalı
tənək yarpaqları, zoomorf təsvirlər, romb,
nəzərlik nişanələri çox sıx toxunmuşdur.
Xalça zahirən əsas elementlərinə görə sim
metrik görünsə də, xırda naxışlarına diq
qət etdikdə onun bir xalq sənəti nümunəsi
kimi asimmetrik quruluşa malik olduğu
bəlli olur.
Abşeron xalçalarının digər xalça qrupla
rından fərqli olaraq öz koloriti, isti rəng
lərin öz çaları vardır. Mavi, qırmızı, ağ, şə
kəri tonlar Abşeronun təbiətindən doğan
rənglərlə ahəngdarlıq təşkil edir.