10
Batı xanın yaratdığı Qızıl Orda ilə Hülakular arasındakı
toqquşmalar Şirvana ağır zərbə vurdu. XIV əsrin 40 – 70-ci
illərində Şirvanda müxtəlif siyasi qüvvələrin (Çobanilər, Qızıl
Orda, Cəlairilər) üstünlük uğrunda mübarizəsi kəskinləşir.
Şirvanşahlar dəyişən siyasi şəraitə baxmayaraq, hakimiy
yətlərini saxlamağa nail olurdular. Lakin bu da həmişə uğur
lu olmurdu. Bu, özünü sonuncu “Kəsrani” hökmdarı Huşəng
zamanı (1372/73 – 1382) göstərdi. Baş verən üsyan nəticə
sində o öldürüldü, Dərbəndilər sülaləsinin banisi I İbrahim
hakimiyyətə gəldi.
Nəzərdən keçirilən dövrün müəyyən bir hissəsində, xüsu
silə XI – XIII əsrlərin birinci dövründə Azərbaycan, o cümlə
dən Şirvanın mədəniyyət və incəsənəti böyük nailiyyətlərlə
əlamətdar oldu. Şirvan hökmdarları III Mənuçöhr və I Ax
sitan iqtisadi inkişafa mühüm önəm verməklə bərabər, mə
dəniyyətin hamisi kimi də çıxış edirdilər. Bu dövrdə Əbülüla
Gəncəvinin (1096 – 1159) başçılığı ilə Azərbaycan poeziya
məktəbi yaranmışdır. İzzəddin Şirvani, Fələki Şirvani (1108
– 1145), Xaqani Şirvani (1121/2 – 1199) və b.-nın yaradıcılığı
bu məktəbin görkəmli nümunələrini təşkil edir. Şeyx Nizami
Gəncəvinin (1141 – 1209) əsərləri isəAzərbaycan poeziyasının
zirvəsini təşkil edirdi.
Şirvanda poeziya ilə birgə hüquq, astronomiya və digər sa
hələrdə də görkəmli tarixi şəxsiyyətlər yetişmişdir.
Memarlıq və şəhərsalmanın inkişafı dövrün əsas əlamət
lərindən idi. Bu dövrdə Azərbaycan memarlığının inciləri
Məhəmməd məscidi (Sınıqqala, 1078, Məhəmməd Əbubəkr
oğlu), Qız qalası (Məsud Davud oğlu) və b. abidələr tikildi
və ya tikintisi davam etdirildi. “Bayıl qəsri” iqamətgahının
tikilməsi də əhəmiyyətli hadisə idi. Bakı ilə bərabər, Ab
şeronda da qalalar və digər müdafiə qurğuları (Mərdəkan
qalaları və b.) inşa olundu.
Şirvanda müxtəlif
xovlu və xovsuz xalçalar
toxunurdu. XIII – XIV
əsrlərə aid bir xalça
İstanbulda Türk islam
əsərləri muzeyində
saxlanılır.
Xaqani Şirvani (1126
‒
1199).
Şah Məscidi.
Şirvanşahlar sarayı. XV əsr.