13
Şirvan (Şamaxı) xanlığı.
Azərbaycanın digər xanlıqları kimi Şamaxı xanlığının
tarixi də siyasi mübarizə ilə zəngin olmuşdur. A. A. Bakıxanov yazırdı ki,
Şamaxı əhalisi sursat təhvildarı olan Hacı Məhəmmədəli Sufi Nəbi oğlu Zər
nəvaini hökumətə keçirdi. Xançobanı tayfasından olan Əsgər bəy Allahverdi
bəy oğlu Sərkarın oğlanları Şirvan elatı arasında hakimiyyət bayrağı qaldır
dılar. 1749-cu ildə Əhməd xan Şahsevən xanlığa hücum etdi, lakin Şəki və Qa
rabağ xanlıqlarının köməyi ilə məğlub oldu. 1755-ci ildə Şəki xanı Hacı Çələbi
Ağsunu (Yeni Şamaxını) mühasirəyə aldı. Xanlıq Quba xanı Hüseynəli xanın
köməyi ilə müdafiə oluna bildi. 1765-ci ildə Ağası və Məhəmməd Səid qar
daşları Yeni Şamaxını tutub, xanlıqda ikihakimiyyətliliyə son qoydular. 1768-
ci ildə isə Quba xanı Fətəli xan (1758 – 1789) Şamaxı xanlığını tutdu. Fətəli
xanın ölümündən sonra Şamaxı xanlığında hakimiyyət uğrunda mübarizə
başladı. 1792-ci ildə sonuncu Şamaxı xanı Mustafa xan hakimiyyətə gəldi.
XVIII əsrin sonları – XIX əsrin əvvəllərində Rusiya imperiyası Şimali
Azərbaycanda işğalçılıq planlarını həyata keçirməyə başladı. 1803-cü ildə
Car-Balakən, 1804-cü ildə Gəncə xanlığı işğal edildi. 1805-ci ilin mayında
isə Qarabağ və Şəki xanlıqları ilə Kürəkçayda müqavilə bağlandı. 1805-ci il
dekabrın 27-də Şamaxı xanlığı ilə də müqavilə bağlayan Rusiya imperiyası,
faktik olaraq xanlığı ilhaq etdi.
Şamaxı xanlığı Rusiya imperiyası tərkibində.
Çar Rusiyası İranla Gülüstan
traktatından (1813) sonra müqavilə ilə ilhaq edilmiş Şimali Azərbaycan xanlıq
larını da ləğv etməyə başladı.
1819-cu ildə Şəki xanlığı, 1820-ci ildə Şirvan, 1822-ci ildə isə Qarabağ
xanlıqları ləğv edilib, əyalətə çevrildi. Onlar mərkəzi Şuşa şəhəri olan Hərbi
müsəlman dairəsinə daxil edildi. 1840-cı il 10 aprel “Zaqafqaziya diyarının
idarəsi üçün təsisatlar” qanunu üzrə Şirvan əyaləti mərkəzi Şamaxı şəhəri
olan Kaspi vilayətinə daxil oldu. 1846-cı il 14 dekabr fərmanı ilə quberniya
– qəza sistemi tətbiq edildi. Şamaxı qəzası mərkəzi Şamaxı şəhəri olan eyni
adlı quberniyaya daxil olun
du. 1859-cu il zəlzələsindən
sonra quberniya mərkəzi Ba
kıya köçürüldü (Xəritə 2.). Şa
maxıdakı 1902-ci il zəlzələsi də
şəhərə böyük dağıntı gətirdi.
Lakin şəhər bərpa olunmaqla
bərabər görülən işlər, qəzanın
inkişafına da müsbət təsirini
davam etdirdi, Azərbaycanın
elm, ədəbiyyat, mədəniyyət
və incəsənətini yeni tarixi şəx
siyyətlərlə (S. Ə. Şirvani, M. Ə.
Sabir, A. Səhhət və b.) zəngin
ləşdirdi.
1918-ci il soyqırımı.
1917-ci
ilin fevralında Rusiyada çar ha
kimiyyəti devrildi, Müvəqqə
ti hökumət quruldu. Lakin az
müddət sonra, 1917-ci ilin okt
yabrında Müvəqqəti hökumət
də yıxıldı, bolşeviklər haki
miyyətə gəldi. Bakıda sovet ha
kimiyyətinin elan edilməsinə
nail olan bolşevik-daşnak gü
ruhu hakimiyyətini möhkəm
ləndirmək üçün Azərbaycan
xalqına qarşı soyqırım törətdi.
Ən qanlı qırğınlardan biri
1918-ci ilin martında Şamaxıda
baş verdi. Şamaxı qəzasının
120 azərbaycanlı kəndindən
86-sında ermənilər soyqırım
həyata keçirmişdilər.
Azərbaycan Xalq Cümhuriyyəti
(1918 – 1920).
1918-ci il mart
Şamaxı qəzası (XIX əsrin II yarısı
‒
XX əsrin əvvəlləri).
Xəritə 2.
Qaynaq: Azərbaycan tarixi atlası, s. 44
Xalça fraqmenti. Yun. Xovlu.
XVIIIəsr. Şirvan qrupu.
Azərbaycan.
“
Viktoriya və Albert
”
muzeyi. London.
Azərbaycan xalçaları / şİRVAN QRUPU