Page 133 - AZƏRBAYCAN XALÇALARI
Basic HTML Version
131
“Sİzİn
xalçalar
nəfİs rəng
çalarları ilə
fərqlənİr”
Söhbətləşdi: Tünzalə Babayeva
“Qərblə Şərq heç vaxt birləşməyəcək – Qərb həmişə
Qərbliyində, Şərq isə Şərqliyində qalacaq” – kiminsə
söylədiyi bu deyim indi gerçəyə çevrilir. Hər mədəniyyət
öz izini qoruyur.
Şərqin zəngin, izaholunmaz, bir az da sirli irsi var.
Dərin və çoxşaxəli Şərq mədəniyyəti tarix boyu nəinki
dünyada baş verən qlobal yeniliklərə, yeni dəyərlərə
davam gətirib, hətta bütün dövrlərdə həyat tərzinin
ayrılmaz hissəsinə çevrilməyi bacarıb. Bəlkə, elə buna
görə də yaxın və uzaq ölkələrdə Şərq mədəniyyətinə
diqqət, onu dərindən araşdırmaq və başa düşmək istəyi
olub. London, Paris, Berlin və başqa şəhərlərdə şərq
sənəti muzeyləri və ekspozisiyaları xüsusilə diqqət
mərkəzində olur.
Rusiyanın Dövlət Şərq Muzeyinin elmi işçisi Mariya
Yuryevna Filatovanı Şərqin maraqlı, eyni zamanda,
dəliqanlı Qafqazını diyarbədiyar gəzib, xalq sənəti
nümunələrini toplaması da bu marağın təzahürüdür:
