21
Azərbaycan xalçaları / TƏBRİZ QRUPU
millimetrdən 15 millimetrə kimi olur. İlmələrin sıxlığı 1
kvadratmetrdə 60 mindən 400 minədək olur. Sıxlığın belə
yüksək olması xalçaların zərifliyi ilə yanaşı, həm də na-
xış örtüyündə yer alacaq ən incə elementin belə dəqiq və
təsirli görüntüyə gətirilməsinə imkan vermişdir. Bu xalça-
ların əksəriyyəti qullabı ilmə (ona “türkbaf” da deyirlər),
bəzi hallarda isə dolama ilmə (ona “farsbaf” da deyirlər)
ilə toxunulur. Xalça və xalça məmulatlarının toxunulma
sında müxtəlif növlü yun, pambıq və ipəkdən, eləcə də
qızıl və gümüş saplardan istifadə olunur.
Təbriz qrupu xalçalarının tanınma nişanlarından biri
də onların şux və gözoxşayan rəng örtüyünə malik ol-
masıdır. Bunun üçün ilk növbədə tərkibində rəng olan
təbii bitkilərdən istifadə olunardı. Təbrizin və onun ya-
xın məntəqələrinin çəmənliklərində boyaq materialına
çevriləcək kifayət qədər xammal vardı. Rənglərin hazır
lanmasında heyvan mənşəli maddələr də işlədilirdi.
Sənətkarlar bəzən ayranı aşılama vasitəsi kimi tətbiq
edib, yun sapların daha da parlaqlığına və şəffaflığına
nail olurdular. Rəngli iplərin çalarlarının daha da zən
ginləşdirilməsi üçün təbii duzlardan və mineral su
mənbələrindən də istifadə edilirdi. XIX əsrdə boya
istehsalı artıq müstəqil əhəmiyyət kəsb etməyə başla-
dı. Yüksək sənətkarlıq və kamillik dərəcəsinə çatmış
Təbriz xalça qrupu həm Azərbaycanın özündə, həm də
qonşu ölkələrdə xalçaçılığın inkişafına xüsusui təsir gös
tərmişdir. Təsadüfi deyil ki, Azərbaycanın digər böl
gələrində, eləcə də Mərkəzi Asiya, İran, Türkiyə, Hin-
distan və başqa bölgə və ölkələrin xalçaçılıq sənətində
Təbriz izi özünü aydın şəkildə büruzə verir.
Azərbaycan xalçalarının Təbriz qrupu ümumazərbay
can mədəniyyətinin tərkib hissəsi kimi bu gün də yaşa-
yır, tarixi ənənələrini davam etdirməklə yanaşı, yeni bədii
xüsusiyyətlərlə şöhrətini daha da artırır.
Xalça. "Ləçək-turunc". Yun. Xovlu. 376x271.
XX əsrin əvvəlləri. Təbriz qrupu. Azərbaycan.
Şeyx Səfi türbəsi. Ərdəbil. XVI
‒
XVII əsrlər.
Yaylaqda. Urmiya.
Azərbaycan xalçalarının
Təbriz qrupu ümuma
zərbaycan mədəniyyətinin
tərkib hissəsi kimi bu gün
də yaşayır, tarixi ənənə
lərini davam etdirməklə
yanaşı, yeni bədii
xüsusiyyətlərlə şöhrətini
daha da artırır.